பாடசாலை சிற்றுண்டிச்சாலைகளில் உணவுகளை சந்தைப்படுத்தல் தொடர்பிலான கொள்கைகளை அறிமுகப்படுத்தி அவற்றை கண்காணிக்க விசேட வேலைத்திட்டம் ஒன்றை கொழும்பு மாவட்டத்தில் ஆரம்பிக்க தீர்மானிக்கப்பட்டுள்ளதாக கொழும்பு மாவட்ட சுகாதார சேவைகள் பணிப்பாளர் வைத்தியர் சந்தன கஜநாயக்க தெரிவித்துள்ளார்.
பாடசாலை சிற்றுண்டிச்சாலைகளில் குழந்தைகளுக்கு சத்தான உணவுகள் விற்பனை செய்யப்படுவதில்லை என்ற தகவல் வெளியானதை அடுத்து இந்த நடவடிக்கையை எடுக்க முடிவு செய்ததாக அவர் கூறினார்.
நாடளாவிய ரீதியில் சிறுவர்கள் ஊட்டச் சத்து குறைபாட்டினால் பாதிக்கப்பட்டுள்ளதாக தகவல்கள் வெளியாகியுள்ள போதிலும், குழந்தைகள் ஊட்டச் சத்து குறைபாட்டுக்கு ஆளாவது உணவின் பற்றாக்குறையால் அல்ல என்றும் சத்தான உணவு என்றால் என்ன என்பது குறித்த சரியான புரிதல் இல்லாத காரணத்தினால் என இயக்குனர் சுட்டிக்காட்டியுள்ளார்.
இதன்படி, பாடசாலைகளில் எண்ணெய், மாவு மற்றும் சர்க்கரை உணவுகளை முடிந்தவரை கட்டுப்படுத்தவும், கடல , பச்சைப்பயறு,கௌப்பி, கடலைப்பருப்பு, இனிப்பு உருளைக்கிழங்கு மற்றும் மரவள்ளிக்கிழங்கு போன்ற உணவுகள் மற்றும் கஞ்சி போன்ற பானங்களாக விற்பனை செய்ய அறிவுறுத்தல்களை வழங்கவும் நடவடிக்கை எடுக்கப்படும்.
அவர்களை மேற்பார்வையிட உணவு பரிசோதகர்களை நியமிக்க வேண்டும் என்றும் வைத்தியர் கஜநாயக்க குறிப்பிடுகிறார்.
பெரும் நிதி நெருக்கடியான காலக்கட்டத்தில், குழந்தைகள் தம்மிடம் உள்ள பணத்தில் சத்தான உணவுக்குப் பதிலாக நோயை உண்டாக்கும் மற்றும் ஊட்டமில்லாத உணவைக் கொண்டு வயிற்றை நிரப்புகிறார்கள், இது ஊட்டச்சத்து குறைபாட்டிற்கு வழிவகுத்தது என்றும் இயக்குனர் சுட்டிக்காட்டுகிறார்.
இதையும் படிக்கலாம்:
