எமது நாட்டில் கல்வி முறையானது தற்போதைய உலகத்திற்கு ஏற்றதாக இல்லை எனவும், குறிப்பாக உயர்தர கல்வி முறையில் பல சீர்திருத்தங்கள் தேவை எனவும் ஜனாதிபதி கோட்டாபய ராஜபக்ஷ சுட்டிக்காட்டியுள்ளார்.
இன்று (09) பிற்பகல் கொழும்பு பண்டாரநாயக்க சர்வதேச மாநாட்டு மண்டபத்தில் நடைபெற்ற சேர் ஜோன் கொத்தலாவல பாதுகாப்பு பல்கலைக்கழகத்தின் 2021 பட்டமளிப்பு விழாவில் ஜனாதிபதி இதனைக் குறிப்பிட்டார்.
பல்கலைக்கழக மாணவர்கள் எந்தப் பட்டப் படிப்பை எடுத்தாலும், தற்போதைய உலகை வெற்றிகொள்வதற்குத் தேவையான தகவல் தொழில்நுட்ப நிபுணத்துவம் பெற்றிருக்க வேண்டும் மற்றும் இன்றைய உலகத்தை வெல்வதற்குத் தேவையான பிற திறன்களைக் கொண்டிருக்க வேண்டும் என்று ஜனாதிபதி கூறினார்.
சில புதிய சீர்திருத்தங்கள் ஏற்கனவே நமது பல்கலைக்கழகங்களால் செயல்படுத்தப்பட்டுள்ளன. நாடளாவிய ரீதியில் பல்கலைக்கழகங்களுக்கு உள்வாங்கும் மாணவர்களின் எண்ணிக்கை பத்தாயிரமாக அதிகரித்தமை தற்போதைய அரசாங்கத்தின் சாதனையாகும் என ஜனாதிபதி தெரிவித்தார்.
இந்த அதிகரிப்பு இருந்த போதிலும், இலங்கையில் இன்னும் ஆயிரக்கணக்கான மாணவர்கள் உயர்தரத்தில் சித்தியடைந்து பல்கலைக்கழக கல்விக்கான வாய்ப்பு இல்லாமல் உள்ளனர். தகுதி பேரும் மாணவர்களுக்கு இடமளிக்கும் திறன் பல்கலைக்கழக அமைப்பில் இல்லாததே இதற்குக் காரணம்.
எமது இளைஞர்கள் இலங்கைப் பல்கலைக்கழகங்களில் கல்வி கற்க அதிக வாய்ப்புகளை உருவாக்க வேண்டும். இப்பல்கலைக்கழகங்கள் அரச பல்கலைக்கழகங்களாக இருப்பதற்கு எந்த காரணமும் இல்லை என சுட்டிக்காட்டிய ஜனாதிபதி, உலகில் உள்ள அனைத்து சிறந்த பல்கலைக்கழகங்களும் அரச பல்கலைக்கழகங்கள் அல்ல எனவும் சுட்டிக்காட்டினார். அவற்றில் பல சுயாதீன சுயநிர்வாக அமைப்புகள், தொண்டு நிறுவனங்கள் அல்லது கல்வியை மையமாகக் கொண்ட இலாப நோக்கற்ற நிறுவனங்களாக கட்டமைக்கப்பட்டுள்ளன, மேலும் அத்தகைய நிறுவனங்கள் இலங்கையில் நிறுவப்படக்கூடாது என்பதற்கு எந்த காரணமும் இல்லை, மேலும் அவ்வாறு செய்ய சட்ட கட்டமைப்பை மாற்ற வேண்டும் என்றால் அதைச் செய்யலாம் என்றார் ஜனாதிபதி.
அரச பல்கலைக்கழகங்களுக்கு வெளியில் உயர்கல்வி வழங்கும் நிறுவனங்கள் பட்டங்களை விற்கும் கல்விக் கடைகள் என்ற பழைய எதிர்ப்புக்கள் அர்த்தமற்றவை என்றும், பட்டப்படிப்பை முடித்த பின்னர் தொழில் வாய்ப்புகளை பெற்றுக்கொள்ள முடியாத பல்கலைக்கழகமாணவர்கள் அதனை தெரிவு செய்ய மாட்டார்கள் என்றும் ஜனாதிபதி தெரிவித்தார்.
நாட்டில் உயர் கல்விக்கு உகந்த சூழலை உருவாக்குவது மூலம் சர்வதேச தரத்தில் உள்ள பிராந்திய உயர்கல்வி நிறுவனங்களைக்
உயர்கல்வி நிறுவனங்களை இலங்கை கவருவதற்கு உதவும். இது இந்த நாட்டில் வழங்கப்படும் கல்வியின் தரத்தை மேலும் உயர்த்தும். இதன்படி, காலப்போக்கில் இலங்கையின் உயர்கல்வித் துறையானது அந்நியச் செலாவணியை நாட்டுக்குள் கொண்டுவரும் வருமானத்தை ஈட்டும் துறையாக மாற்றப்படும் என நம்பிக்கை தெரிவித்த ஜனாதிபதி, நாடு வேகமாக வளர்ச்சியடைந்து எதிர்காலத்தில் வளமான நாடாக மாற வேண்டுமானால் உயர்கல்வி கட்டமைப்பில் இந்த விரிவான மாற்றங்களைச் செய்ய வேண்டும் என்றும் தெரிவித்தார். ..
சேர் ஜோன் கொத்தலாவல பாதுகாப்பு பல்கலைக்கழகத்தின் 32வது பட்டமளிப்பு விழா இன்று நடைபெற்றது.
பாதுகாப்பு , மேலாண்மை, வணிக மேலாண்மை, சட்டம், மருத்துவம், பொறியியல் மேம்பாடு மேலாண்மை, தொழில் அறிவியல், சமூகவியல், தொடர்புடைய சுகாதார அறிவியல் மற்றும் ஆக்கப்பூர்வமான சூழலியல் மற்றும் விண்வெளி அறிவியல் ஆகியவற்றில் 1408 பட்டதாரிகள். இவர்களில் முனைவர், முதுகலை மற்றும் முதுகலை டிப்ளமோ பெற்றவர்களும் அடங்குவர். முதல் பட்டதாரிகளின் எண்ணிக்கை 1180.
