இஸ்ரேல் - ஹிஸ்புல்லா மோதல்: படைத்தளபதி பலி
இஸ்ரேல் மற்றும் லெபனான் எல்லைகளில் நடைபெற்றுவரும் மோதல் தீவிரமாகி உள்ளது ஈரான் ஆதரவு ஹிஸ்புல்லா அமைப்பு ஆக 07 ஹமாஸின் தாக்குதலுக்குப் பிறகு ஹமாஸுக்கு ஆதரவாக இஸ்ரேல் மீது நாக்குதல் நடத்தி வந்தது.
இஸ்ரேல், கடந்த வாரம் பெய்ரூட்டில் நடத்திய தாக்குதலில் ஹமாஸின் முதன்மை தலைவர் பலியானார். இந்தச் சம்பவத்துக்கு இரண்டு நாள்களுக்குப் பிறகு ஹிஸ்புல்லா இஸ்ரேலின் ராணுவ நிலைகள் மீது ஏவுகணை தாக்குதலைத் தீவிரப்படுத்தியது.
இந்த நிலையில் ஹிஸ்புல்லா தளபதி பயணித்த கார் மீது இஸ்ரேல் ஆளில்லா விமான தாக்குதல் நடத்தியுள்ளது. இஸ்ரேலின் ஆளில்லா விமான தாக்குதலில் ஹிஸ்புல்லா குழுவின் ஆயுதப் பிரிவான ரத்வான் படைப்பிரிவின் மிக முக்கியமான நபராகக் கருதப்படும் விஸ்ஸாம் டவில் கொல்லப்பட்டார்.
ஹிஸ்புல்லா குழுவின் ஆயுதப் பிரிவான ரத்வான் படைப்பிரிவின் விஸ்ஸாம் டவில் பலியாகியுள்ளதாக லெபனான் பாதுகாப்பு அதிகாரிகள் தெரிவித்துள்ளனர்.
இஸ்ரேல் தனது வடக்கு எல்லைக்குள் ஊடுருவுவதை நோக்கமாகக் கொண்டுள்ளதாகவும் இஸ்ரேல் எல்லையில் இருந்து 9 கி.மீ தொலைவில் உள்ள தெற்கு லெபனானில் உள்ள கிர்பெட் செல்ம் என்ற கிராமத்தில் நடந்த தாக்குதலில் அவர் கொல்லப்பட்டதாக லெபனான் பாதுகாப்பு அதிகாரிகள் கூறியுள்ளனர்.
இது குறித்து ஹிஸ்புல்லா தரப்பில் எதுவும் தெரிவிக்கப்படவில்லை. தெற்கு லெபனானில் உள்ள ஹிஸ்புல்லாவின் கட்டுமானங்கள் தாக்கப்பட்டதாகத் தெரிவித்துள்ளது.
இஸ்ரேலின் ஹிஸ்புல்லா நிலைகள் மீதான தாக்குதலில் இதுவரை குறைந்தது 150 ஹிஸ்புல்லா உறுப்பினர்கள் பலியாகியுள்ளதாகத் தெரிவிக்கப்படுகிறது.
🅺︎🅰︎🅽︎🅳︎🆈︎ 🆃︎🅸︎🅼︎🅴︎ 🅽︎🅴︎🆆︎🆂︎.🅲︎🅾︎🅼︎
